Weighboards

Eskinita,
sa tabi ng tindahan
ng tubig na lasang Zonrox
Uhuging bata
at peklat ng nanay
sa alak-alakan
Halakhak -- malakas at mahina
Nilalangaw na ginataan
minemeryenda ng bata
Ragasa ng sasakyan
polusyon at alikabok
Seesaw at swing
sa baku-bakong parke
Kariton
at anghit ng pedicab driver
Estudyanteng magsyota
Manong sa ilalim ng puno
nagtitinda ng fishballs
Tuyot na dahon
Upos ng sigarilyo
Palubog na ang araw
sa Maynila.


K.